كريسيدا 2007 تعود من جديد

لابد أن الكثير قد استغرب هذا العنوان المثير والغريب أيضا ، ولكن هي الحقيقة
تويوتا كريسيدا كانت ومازالت تنتج في اليابان منذ توقف تصديرها خارج حدود
اليابان منتصف التسعينيات ، ومنذ قرابة العامين تقريبا مازالت تنتج باسم مختلف
كما الحال في مختلف الطرازات كان هذا الاسم Mark II ، ولكن مع ظهور
طراز 2005 تغير إلى Mark X ، وقد طرأ على السيارة تغيرات جذرية حولتها من
سياره عاديه متوسطة إلى سيارة فخمة ، فقد زودت بمحركين الأول
سعة 2.5 لترات مكون من 4 سلندرات ، والثاني سعة 3.5 لترات مكون من 6
سلندرات ، والأدهى من ذلك أن سيارة أصبحت متوفرة بنظام الدفع الرباعي
بالإضافة إلى نظام الدفع الخلفي المعهود ، كما أنها متوفرة بناقلي سرعة الأول
مكون من 5 سرعات ، والثاني مكون من 6 سرعات ، وقوة السيارة الحصانية
بلغت 300 حصان ، بالفعل لقد انتقلت كريسيدا نقلة عظيمة في إطار الفخامة
والقوة ، أعلم أنكم بإنتظار الصور
والآن تفضلوا 2007 وهي متوفره بـ3الوان
الابيض والرمادى والأسود مبدئيا

كريسيدا 2007 تعود من جديد Main3

تحيااااااتي
بكور

الموضوع دا خصيصا عشان محمد الحسن وحارث وهيثم وراشد انتو الاربعة تاني ماف زول افتح خشمو بي نص كلمة يلا يا احمد ومصطفي غيظو الشباب ديل وسكتوهم لي تحياتي بكـــــــــور

مشكككككككككككور يديك العافية

عدد الرسائل : 195 تاريخ التسجيل : 24/03/2007

طيب يا بكري اليابانيين غيروا إسمها ومكينتها وشكلها كيف تكون كريسيدا (( ليه ما سموها كريسيدا )) زي الكامري إنت قلت الكامري بدل الكريسيدا لكن الناس تعودو على الكامري ونسو
الكريسيدا
هسه برضو عايز تقول لينا ال Mark X بدل الكريسيدا

تحياتي

mohadtoon

ياحمودي انتو الغيرة دي شنو برضوا ماعايزين تعترفوا انو دي كريسيدا واحسن من الانديكروزر

سبحان الله انتو عارفين انو دي كريسيدا لاكين الغيرة كاتلاكم نعمل شنو مذورين
بكــــــــــــــــور

والله عربية وجعاااااااااااااانة ما ليها اي داعي

عدد الرسائل : 195 تاريخ التسجيل : 24/03/2007

دقيقة يا بكووووور
إنته كتبت في جوجل كريسيدا 2007 في الصور ياخ دا أي غباء الصورة البتعجبك تقول دي كريسيدا 2007 في مئات من الصور في صور مرسيدس وكامري ولاند كروزر ما إخترت إلا العجبتك !!!!
أرجو من جميع الأعضاء يجربوا
بحث في جوجل
الصور
أكتبوا كريسيدا 2007
وشوفوا النتائج
حا تطلعليكم مجموعة هائلة من السيارات
شوفوا الإختارا بكوووور
وصدقوني
إنو العربية دي من زمااان موجودة وما ليها علاقة بالكريسيدا

تحياتي ليكم وخاصة بكري لأني صدمتو بالمعلومات دي
وعلى فكرة ما تثقوا بالمنتديات البتسرقوا منها مواضيعكم لازم تتأكدوا
لانو الموقع المسروقة منها المعلومات الخاطئة دي غير موثوق منو المعلومات دي

mohadtoon