لي اغلي اثنين

يا دنيا وين يتودي
اقدارنا وين سايقانا
خلينا ننجم
نفرح شويه برانا
ننادي ناس يمه
للحجه قدامنا
وابوي دا الصالح
الرافع اعلامنا
نهديلو كل نفيس
ياغالي يا إمنا
دا الضحي بي عمرو
شان لقمه لي إيدي
ماسك زمام امرو
ساقيني في وريدي
كل الصفات السمحه
كل المكارم ديك
زايد هو في ريدي
كم يوم ببيت سهران
شان نحن نبقي نيام
ما كَلَ يوم اوضاق
افكارو لينا سنام
ياغالي يا ابويا
ارضيك كيف قدام
مابقدر اجزيك
كان بعت روحي تمام
ما انت سيد الكل
تسلم ابوي الصاح
شوفتك تبل الجوف
شوفتك تزيل الخوف
شوفتك تخليني
ارجاك كل صباح
او ارجي دعواتك
تبراني اكون مرتاح
يا غالي يا ابويا تسلم ابوي الصاح .........
.أرجع اقول امي
احره تلاته فقط
لكين في مضمونا
ياخوانا تملا ورق
كان جبنا بحر الكون
شان يبقي هو مدادنا
مابيكفي لي كلاما
لي امي تحنانا
ياغاليه يا غاليه
يا امي يا انتي
نسيمك الهابي
في الصيف يهببنا
نندفا بي قربو
لو مرَ قر فينا
لينا الحمايه كمان
من مطره تروينا
يا امي يا شمعه
ضوايا من بدري
ساقيانا من دمك
انبل مشاعر ريد
خاتانا في قربك
وشك صباح العيد
يا بسمه نديانه
يا غنوه نشوة ريد
داير اكون جمبك
وما اودعك لحظه
ارجع اقول تاني
دي الدنيا واقدارا
بسأل إله الكون
بالرحمه عامينا
ياربي يا رحمن
خليك هادينا
من كل شراً كان
مايبقي بارينا
بس
عندي ليك طلب
تحفظ لوالدينا
انا
عندي ليك طلب
تحفظلي والدينا